الى كل بنت مسيحية!!!!!!!!

نصيحة بأقولها للفتاة المسيحية اللى على كلمة الرب متربية
خلى بالك من المعاشرات الردية والحيل العاطفية اللى بيسموها غرامية
يقولك الحبيب اللى جواه ذئب عجيب يالا ياغالية نحب ونملأ الكون بالحب
أحنا أتعهدنا وقدامه أرتبطنا أديك نفسى أديك جسدى ,انت ياعمرى ياللى ليك أمرى
يالا نسلم النفس ونختم على الحب بالعطاء
( وأه على اللى تحت الغطاء، نهش بلاحياء)
يالا نسعد ونتهنى وعلى جوعنا مانستنى من غيرنا يعرف باللى فى قلبنا غير ربنا
ربنا... ياللى ماتعرف ربنا... ياشيطان، ياعبد يالئيم ياشريك أبليس الرجيم
يالا نبدأ أعظم قصة حب ، نكشف اللى فى القلب ، نتعاهد نكون لبعض
نشبع جوع بعض، نروى عطش بعض، جعان أشبعينى، عطشان أروينى بس صدقينى
وجسدك سلميلى
يابنتى ياغالية خافى على نفسك ، خافى على عائلتك، على مسيحيتك
أسكت مالك أنت بيا عمال توعظ وتقول وأنت عامل نفسك
من أصحاب العقول، وأنت متخلف وعامل فيها مؤلف
يابنتى دى مش مسيحية ولاحرية دى رغبات حيوانية
فى المحبة متخفية زى الحية الردية
المحبة تستنى ماتستعجلش
المحبة تعطى ماتطلبش
وبشرفك ووجودك منتاجرش
المحبة مش رذيلة
وأوعى من الحيلة لتقودك للرذيلة
لاجنس قبل الزواج ولادخول فى الأعتاب
مهما كنتم أحباب أو حتى خطاب
أحذرى من الخطوة الأولى
الهمسة واللمسة وأول قبلة
أوعى تدى نفسك للى عاوز لمسك
أو من جسدك يمسك
يأكل ويسد نفسك
ولدمارك يمسك
هايذلك ويهينك
ويقولك فين دينك أنا دلوقت بأدينك
بصراحة قولى بيت أبويا مفتوح
عاوزنى يالا نصلى وبعدين روح
الحملة دى مراية تكشف الديب من الحبيب
والجاد والغريب، تطفش الكذاب ، وتقرب الأحباب
عاوزنى تعالى لأبويا معاه أمى وأختى وأخويا
عائلتى هى حمايتى
وتحت ظل الرب رعايتى
وفى حمايته كفايتى
وتباركنى كنيستى
فيها أسلمك نفسى
يالا تعالى للرب نقول
ونعيش له على طول
كده يابنتى أحسن القول
وماعندى صار ليكى مقبول
يحفظك الرب
ويديك أحسن العقول