صباح الخير يا شعب المسيح
كل سنة و انتم طيبين
و ربنا يفرح قلوبنا جميعاً بأفراح قيامته المجيدة
ممكن يكون موضوعى المرة دى شائك جدا
لكن حسة انى مش قادرة متكلمش فيه
و بجد لفت نظرى جداً و خاصة بعد العيد
أنا مش بتكلم فى الموضوع ده
من منطلق اخلع الخشبة التى بعينك قبل .....
ولكن بتكلم من منطلق عدم السلبية
والمحبة والغيرة على اخواتى
موضوعى هو
!!!!!! ملابس البنات !!!!!!
مش عارفة ابدأ كلام أزاى
بس هكون صريحة
واتمنى انكم تتقبلوا كلامى بمحبة
اولا لما بنمشى فى الشارع
ونشوف بنت مسيحية
بنلاقيها بالجينز او البرمودة والبادى
و مش بقول كل البنات لكن معظمهم
لما بنروح صلاة اكليل بالكنيسة وخمسين خط تحت كلمة
كنيسة
بنلاقى الفستان السورايه الوان مختلفة
ولكن مقاس واحد وهو القصير جدا
كل ده داخل الكنيسة اللى من المفروض انها بيت القداسة
اسفة للتعبير ولكن دى الحقيقة
ما المستفاد من هذه الملابس؟؟!!
اعتقد ولا حاجة بل بالعكس دى بتسبب عثرة للشباب
اختى و حبيبتى
تاكدى ان بملابسك دى بتجرحى مسيحك
و كمان بتجرحى طهارة و عفة اى أخ ليكى ممكن يشوف منظر الملابس دى و كمان ممكن تسببيله خطية الإدانة
لأ مش ممكن ده أكيد
و صدقينى ممكن تمشى على الموضه زى ما انتى عايزة بس من غير خروج عن الاحترام
اتمنى ان تتقبلوا كلامى بكل محبة فهو نابع عن حب وغيرة
ومحتاجة آرائكم فى الموضوع
أسفة للإطالة
صلوا من أجل ضعفى