الموضوع ببساطه شديده
كتير منا بيمرو بتجارب فاشله بحياتهم اما تجارب حب او تجارب في الشغل او او او او او
او تجارب فاشله بالارتباط والزواج
في يمكن بعض الاخوه هيتذكر مشكلة عائله مسيحيه سبق وكتبتها وكيف ان الزوجه عمتعاني بشكل
صعب بجد اوقات كتير كنت بسال ليش يعني وهي نفسها كانت لما بنحكي تفضفض
انه ليش هيك تيصير معي المهم كنت بفكر كتير واوقات للاسف وبفتره معينه من حياتي كنت متصوره ان كل شي
وهالعذاب سببه ارادة الله لان طبعا ما حدا مننا بيعمل اي شي بدون تدبير رباني
وكنت افكر كتير بهالموضوع وعن سببه وان ليش انسانه طيبه تمر بهيك حياة وهي مجرد مثال لمواقف كتيره بنمر فيها بحياتنا
لحد ما وصلت لقناعه وهي اللي حابه اخد رايكم فيها
ان اي انسان بالدنيا هو مخير مش مسير
يعني وكمثال بسيط هالانسانه نفسها تقدملها كتير ناس وناس هي نفسها كانت كتير فرحانه فيهم
لكن ترددها وللامانه سماعها لرغبات والدتها كان السبب في انها اتزوجت هالانسان
يعني مو ربنا اللي كتبلها العذاب انما هي ضعف شخصيتها وانسياقها ورا راي الاخرين هو اللي ضيعها مش ربنا
وهالشي باعتقادي بيكون في حالات كتير منها الددراسه او فرص العمل الانسان ممكن يعمل نفسه بنفسه
حتى بابسط الامور ومثال بسيط
من شخصيه اقل ما يقال عنها رائعه هو مسؤلنا في التعليم الديني زمان
كان خريج تمريض لان والدته كانت مشلوله فاختار يدرس تمريض لحتى يقدر يعتني فيها
هالانسان كانت فرص حياته الماديه شبه معدومه ومع هيك وبتفكير كتير بسيط كان بيجيب جبس ويزوقو على قناني اما العنبريه
او اي قنينه بتصادفه ويحولها من قنينه للرمي لتحفه رائعه ويبيع وبهالطريقه ساعد نفسو ماديا وبشكل كبير
لدرجة ان محله من اشهر المحلات بمنطقتنا حاليا
فالانسان وان حكمته الظروف احيانا الا انه دايما مخير
اكيد لازم نعتمد على الرب دايما بس برايي الشخصي
مش نعمل اللي في بالنا واللي بدنا يا احنا وبعدها نقول الرب هيك بدو
لا مش الرب اللي هيك بدو انما عقولنا اللي كتير اوقات بتخدعنا هي اللي هيك بدها
هاد رايي انا ويا ريت اعرف رايكم هل برايكم الشخصي ان الرب اللي بيختار النا كل اشي
ولا احنا اللي بنختار حياتنا بادينا بس اوقات بنهرب من المسؤليه بنقول الله هيك بدو ؟
موضوع: رد: هل الرب اللي بيختار النا حياتنا ولا احنا اللي بنختارها
برأيي في أمور بحياتي الله أعطاني فيها الحرية الكاملة أنو أختار بنفسي.
مثلاً ... الإنسانة التي سأختارها لنفسي لتكون شريكة حياتي, هل الله يختارها لي؟
اسأل نفسك, ما رأيك بأن يختار لك أبوك الأرضي الفتاة التي تناسبك؟ الله غير مستبد و لا يفرض علينا أمور, لكنه, كأب صالح يوجهنا من خلال كلمته إلى الخطوات و المقاييس الصحيحة في الاختيار ... و كذلك بالنسبة لمهنتي و دراستي و التي (خصوصاً في بلادنا) الذي يحددها هو مدى تفوقنا أحياناً و تكون رغبتنا محدودة و حرية اختيارنا مقيّدة ...
لكن, ليس من الخطأ أن أسأل مشورة (الله أولاً) في أمور مصيرية كهذه, و ربما مشورة أشخاص آخرين (شخص ناضج من الكنيسة, أو راعي الكنيسة مثلاً) مكتوب : " ... أَمَّا الْخَلاَصُ فَبِكَثْرَةِ الْمُشِيرِينَ. " (أمثال 11: 14)
لكن في اعتقادي, على كل مؤمن أن يستشير ((الله)) أولاً قبل أي شخص و تقريباً في كل خطوة مهمة يخطوها ... أحتاج أن أطلب منه الحكمة في كل يوم و في كل وقت ...
في الحقيقة, و هذا بحسب الكتاب المقدس, ما يختاره الله لنا هو مواهبنا الروحية و المسحات ... و الدعوة التي يدعوني الله بها لكي أخدمه في حقلٍ معين.
و كما ذكرت شيرين أن الصلاة و الاتكال الكامل على الله و الثقة المطلقة في شخصه هو مات يخولنا القدرة على سماع صوت الله فيما يخصّ تلك الأمور الخاصة جداً و التي لا نستطيع التحرك فيها دون مشورة الله و معرفة إرادته.
المبرمج والمدير التقني.
الإثنين سبتمبر 05, 2011 2:52 pm من طرف 
